INDITEX Y MERCADONA, EMPRESAS MEJOR VALORADAS PARA TRABAJAR

Inditex, Mercadona e Iberdrola son, por esta orde, as mellores empresas para traballar en España, segundo despréndese dos resultados da sexta edición de Merco Persoas. Inditex ocupa por primeira vez o primeiro posto desta clasificación, ocupado o ano pasado por Microsoft).
Mercadona e Iberdrola tamén ascenden posicións (do cuarto ó segundo e do quinto ó terceiro, respectivamente), mentres que Santander se sitúa no cuarto posto, seguida de Google, Microsoft, Telefónica, Repsol, BBVA e CaixaBank (A Caixa) que, por esta orde, configuran o 'top ten'.
Os responsables do estudo subliñan que o descenso de posicións é xeneralizado en todo o sector bancario xa que a maioría das entidades, fóra de Banco Popular (38) e Banco Sabadell (47), sofren retrocesos respecto da edición anterior.

Doutra banda, nesta edición, Merco Persoas inaugura tres novos rankings que viran en torno ó clima laboral, a reputación interna e a marca empleador. Mercadona é líder en clima laboral e reputación interna mentres que Inditex é a compañía con mellor marca empleador e Google é a única que triplica presenza no pódium. Nas tres categorías sobresaen as empresas de consumo e as de tecnoloxía.

En función dos públicos, para os empregados a mellor empresa é, por primeira vez, Mercadona. Google sitúase como a súa segunda opción un ano máis e Iberdrola sobe un posto ata completar o top 3. BBVA é a preferida para os universitarios, seguida de Inditex e NH Hoteis. Os alumnos das escolas de negocio volven indicar a Google como a súa primeira opción e a Mercadona como a súa segunda. Finalmente, directores e expertos en talento sitúan a Mercadona en primeiro lugar seguida de Inditex.
IMPORTANCIA DO SALARIO

Dun total de 15 aspectos analizados, o salario é o sexto factor máis importante para os 8.856 traballadores enquisados que participaron en Merco Persoas 2011. A xuízo do catedrático da UCM e Director de Merco, Xusto Villafañe, "parece que o diñeiro non o é todo cando falamos da satisfacción do empregado".
O desenvolvemento profesional e a motivación e o recoñecemento son, en cambio, os dous factores máis relevantes para os empregados. Pola súa banda, directores e expertos en RR.HH. son conscientes da importancia da conciliación, pero recoñecen que a media das empresas non aproba nesta materia. As compañías máis reputadas en Merco Empresas 2011 son tamén as máis desexadas para traballar. Das 10 primeiras empresas do ranking Merco Persoas, oito foron escollidas este ano como as empresas con mellor reputación de España como Inditex, primeira en Merco Persoas e segunda en Merco Empresa, e Santander, empresa máis reputada e cuarta mellor empresa para traballar de España.

FUENTE:   GALICIA HOXE