Eleccións Sindicais en Pórtico S.A. de Pontevedra.
No día de hoxe, 12 de decembro, celebráronse eleccións sindicais na empresa Pórtico S.A. na provincia de Pontevedra.
A pesar de non presentar candidatura no colexio de técnicos, o que supuxo que CC.OO. teñamos menos representantes neste Comité, obtivemos un bo resultado. Grazas ao bo traballo realizado polas persoas de CC.OO. durante estes catro anos superamos nun 8% a porcentaxe de votos obtidos no único colexio no que nos presentabamos, mentres que o outro sindicato que se presentaba reduciu a súa porcentaxe no 5%.
O resultado en número de representantes foi de 5 para CC.OO. e 3 para CIG, quedando as 5 persoas que correspondían por técnicos sen elixir por non se presentar ningunha candidatura.
Dende estas páxinas queremos agradecer aos traballadores e traballadoras de Pórtico S.A. a confianza depositada nas siglas e nas persoas de CC.OO., deixando claro que non lles defraudaremos e seguiremos loitando por mellorar día a día as súas condicións de traballo.
Published with Blogger-droid v1.7.2
No hay comentarios:
Publicar un comentario