Concentraciones #19F en Galicia

UGT e CCOO convocan mobilizacións en toda Galicia contra a reforma laboral imposta polo Goberno do PP

17-2-2012.- O Sindicato Nacional de CCOO e UGT-Galicia convocan mobilizacións en toda a comunidade autónoma para o próximo domingo, día 19 de febreiro, contra a reforma do mercado laboral imposta polo Goberno do PP. A Coruña, Ferrol, Santiago de Compostela, Burela, Lugo, Ourense, Vilagarcía de Arousa, Pontevedra e Vigo serán os escenarios das protestas, que terán lugar tamén noutras cidades e vilas de todo o estado español.

Os secretarios xerais de UGT e CCOO en Galicia, José Antonio Gómez e Xosé Manuel Sánchez Aguión, respectivamente, participarán na manifestación da Coruña. Os dous dirixentes sindicais fan un chamamento a que a resposta da clase traballadora sexa «masiva e contundente», pois consideran que esta reforma laboral é «a maior agresión contra os dereitos laborais que se ten feito no período democrático».

MANIFESTACIÓNS/CONCENTRACIÓNS CONTRA A REFORMA LABORAL O 19 DE FEBREIRO
LOCALIDADE	HORA	SAÍDA	DESTINO
A Coruña (central)	12 horas	Praza da Palloza	Delegación do Goberno
Ferrol	12 horas	Praza do Inferniño	Praza de Armas
Santiago de Compostela	12 horas	Alameda	Praza das Praterías
Lugo	12:30 horas	Edificio sindical	Subdelegación do Goberno
Burela	12:30 horas	Praza do Concello (concentración)
Ourense	12 horas	Pavillón dos Remedios	Subdelegación do Goberno
Pontevedra	12 horas	Praza da Ferrería	Subdelegación do Goberno
Vilagarcía de Arousa	12 horas	Avenida da Mariña	Praza da Ravella
Vigo	11:30 horas	Cruzamento Vía Norte con Urzáiz	Edificio Administrativo da Xunta

Santiago de Compostela, 17 de febreiro de 2012