Fecoht Informa

Fecoht Informa

03 agosto 2012

Concentracións en Agosto en Galicia.

Concentracións unitarias en agosto frente aos recortes do goberno do PP


Os venres 3, 10, 24 e 31 de agosto celebraranse concentracións fronte ás sedes da Delegación do Goberno na Coruña (12:00), das Subdelegacións do Goberno en Lugo (12:00), Ourense (12:00) e Pontevedra (12:00), fronte ás sedes da Xunta en Vigo (11:00) e Ferrol (12:30) e na praza de Galicia e Santiago de Compostela (12:00), contra os recortes do goberno do PP.

As concentracións están convocadas unitariamente por CIG, UGT e CCOO, e son o anticipo doutras grandes mobilizacións que se convocarán en setembro ante a gravidade da situación á que nos está abocando o PP.



 Os recortes aprobados o 13 de xullo polo Goberno de Mariano Rajoy supoñen unha perda de dereitos sen precedentes na historia da democracia e van facer aínda máis precarias as condicións de vida e traballo de case dous millóns de galegos e galegas:

- Provocan un agravamento da recesión e o peche de moitas empresas, a destrución de máis de 80.000 empregos en Galicia nos próximos dous anos e o aumento da taxa de paro ata o 26%.

- Diminúen entre o 5% e o 7% o salario dos 200.000 empregados e empregadas públicos galegos, agravando a perda do 12% do salario real que acumulan desde 2010. O aumento da xornada, a
eliminación de dereitos e os cambios organizativos ameazan o futuro do persoal interino dos servizos públicos e deteriora a calidade do servizo.

- Reducen a protección aos 270.000 parados e paradas galegos e, especialmente, aos 147.000 que cobran prestacións tanto na contía como no acceso a elas.

- Agravan a situación das 150.000 persoas dependentes que hai en Galicia e das súas familias ao recortar os dereitos na atención á dependencia e poñer en perigo o conxunto do sistema.

- As 820.000 persoas traballadoras e as 731.000 pensionistas galegas perden poder adquisitivo polo aumento da inflación derivado da suba do IVE.

Por riba, reducen dous puntos as cotizacións empresariais á seguridade social para, ademais de beneficiar as empresas, xustificar no futuro un novo recorte nas pensións.

HAI QUE PARALOS

MOBILÍZATE

No hay comentarios:

Publicar un comentario