Acción reivindicativa
de CC OO nun Carrefour da Coruña en defensa da conciliación e contra a reforma
laboral
Igual que
aconteceu hai uns días en Vigo, o sindicato insta a empresa a non aplicar a reforma do artigo 41 do
Estatuto dos Traballadores,modificado pola reforma laboral
31-8-2012.-A Federación
de Comercio, Hostalaría e Turismo de Comisións Obreiras de (FECOHT-CC OO) levou
a cabo este mediodía unha acción informativa e reivindicativa dentro das
instalacións do Carrefour de Alfonso Molina, na Coruña,contra a reforma laboral
e en defensa da conciliación da vida persoal, familiar e laboral.
Igual que aconteceu
hai uns días no Carrefour Travesía de Vigo, o sindicato insta a dirección do
grupo empresarial a non aplicar a reforma do artigo 41 do Estatuto dos
Traballadores, modificado pola reforma laboral, que lle permite á dirección da
empresa aprobar modificacións substanciais das condicións de traballo horarios,
quendas, mobilidade, salarios e outros aspectos.
CC OO considera
que a aplicación do artigo provocará a perda de dereitos consolidados e
denuncia que a medida non terá como obxectivo evitar perdas requisito que esixe
o devandito artigo senón que só incrementará os beneficios dos accionistas do
grupo.
O sindicato
lembra que boa parte do persoal de Carrefour son mulleres e que a aplicación unilateral
do artigo complicará a xa de seu difícil tarefa de conciliar a vida persoal,
familiar e laboral, ademais das repercusións no que atinxe a horarios ou
salarios.
No hay comentarios:
Publicar un comentario