Fecoht Informa

Fecoht Informa

18 octubre 2010

CCOO continúa as mobilizacións denunciando a manipulación da dirección de Carrefour das eleccións sindicais na empresa

CCOO continuará mañá martes 19 de outubro coas concentracións de delegados e delegadas diante da entrada de Carrefour co fin de denunciar públicamente a intromisión e manipulación por parte da dirección do centro no proceso electoral para desmontar a candidatura de CCOO e impedir a libre participación dun sindicato de clase nas eleccións sindicais en marcha na empresa, chegando incluso á "intimidación" aos traballadores e traballadoras.

Esta concentración terá lugar na entrada de Carrefour, rúa do Fonsillón, s/n-Barbadás, a partires das 10:00 horas, hora prevista para a constitución da mesa electoral.

CCOO fai un chamamento á dirección de Carrefour a que deixe desenvolver libremente o proceso electoral e a que permita a libre concorrencia electoral, somenténdose ao exercicio democrático da votación electoral e, polo tanto, á decisión libre e soberana e democrática do conxunto dos traballadores e traballadoras.

En caso contrario, CCOO continuará coas mobilizacións iniciadas no día de hoxe e denuciará pública e xudicialmente estas actitudes e actuacións, claramente antidemocráticas, que parecen ser, por desgracia, características desta empresa multinacional, que antepón os intereses empresariais, aos preceptos legais e constitucionais.

Para mais información ou aclaracións:
Ana Barrios López
Secretaria Xeral da U.I. de CCOO de Ourense

No hay comentarios:

Publicar un comentario