EFECTOS REFORMA LABORAL
O Restaurante “Nostrus” do grupo Zena
baixará en breve a persiana en Carrefour-Ourense
12 traballadores fixos pasarán ao
desemprego en Ourense, 300 en toda España.
A reforma laboral e a avaricia empresarial cárganse o
restaurante “Nostrus” ubicado nas instalacións de Carrefour-Ourense
A Unión Intercomarcal de CCOO de
Ourense informa que o Grupo Zena de restauración está dando os pasos precisos
para pechar o establecemento de restauración “Nostrus” ubicado no Carrefour de
Ourense, xunto con tódolos establecementos “Nostrus” de España, medida
empresarial que afecta a 12 traballadores fixos en Ourense e a uns 300 en toda España.
Segundo CCOO, previsiblemente hoxe martes,
pola tarde, representantes da empresa comunicaranlle aos traballadores a
decisión empresarial.
CCOO informa que a dirección do “Grupo Zena”,
conglomerado de restauración encabezado por “Food Service Project”, decidiu dar
carpetazo fai un tempo a unha das súas divisións de actividade empresarial do
grupo, a línea “Nostrus”, establecementos de restauración instalados nos
distintos hipermercados de Carrefour en España e así, baixo o paraugas da
reforma laboral e co argumento empresarial do descenso de ventas e dunha
suposta escasa rendabilidade, “Zena” leva ultimando nos últimos meses as
medidas precisas para eliminar máis de 300 postos de traballo en todo o estado e
para pechar a actividade de tódolos restaurantes “Nostrus”.
CCOO lamenta a decisión do “Grupo Zena”, ao
tempo que advirte que, con exemplos coma este, é máis que palmario que a
Reforma Laboral do Partido Popular non resolveu nada no ámbito do emprego nin
da actividade produtiva, senón que o que realmente fixo e fai é favorecer a
destrución de emprego e fomentar a precariedade laboral ao outorgarlle aos empresarios
tódalas facilidades para desfacerse dos traballadores fixos a prezo de
saldo.
No hay comentarios:
Publicar un comentario